Në edicionin e tretë të Nations League triumfon Spanja. Përfaqësuesja iberike mposhti në finale Kroacinë vetëm pas goditjeve të 11-meërshave, teksa 120 minuta lojë përfunduan me rrjeta të paprekura.
Shumë keqardhje për Kroacinë e Zlatko Dalicit dhe Luka Modricit, që humbin një tjetër finale të një kompeticioni madhor, pas Botërorit 2018. Për mënyrë sesi u luajt kjo finale, ndoshta Kroacia meritonte më shumë, por fati nuk ishte më të në ruletën e penalltive. Majer dhe Petkoviç humbën nga kroatët dhe Laporte nga spanjollët.
Si të gjitha finalet, Kroaci – Spanjë nisi si një lojë shahu, pa shumë argëtim. Nga njëra anë Perisic e nga ana tjetër tjetër Gavi u përpoqen të ndryshonin rrjedhën e lojës, por pa mundur të shënojnë gjatë pjesës së parë.
Kramaric do ta gjente veten përballë Unai Simon, pas një vrapimi në kufirin e pozicionit jashtë loje, por gabon përballë portierit kundërshtar. Kroacia, në fakt, gjatë fraksionit hapës ishte më dominuese në lojë dhe pati më shumë goditje në portë. Kështu pjesa e parë, që ishte më shumë taktike, u mbyll me rrjeta të paprekura.
