Nuk ndalen protestat masive në Beograd, kryeministrja thotë se është gati të japë dorëheqjen: “Por nuk do Vuçiç…”

Kryeministrja e Serbisë, Ana Brnabić, shprehet e gatshme të japë dorëheqjen nga posti i kryeministres. Protestat masive që nuk po ndalen dhe kritikat në media duket se kanë ndikuar në marrjen e vendimit për dorëheqje të kryeministres aktuale në Serbi.

Përmes një postimi në Twitter, Brnabić sqaron se kërkesa për dorëheqje është refuzuar nga presidenti, Aleksandar Vuçiç.

“Duke pasur parasysh shkrimet e mediave, thjesht për të qenë të qartë, unë jam gati në çdo moment të jap dorëheqjen si kryeministër, dhe presidenti Aleksandar Vuçiq e di këtë dhe, për momentin, refuzon. Ndoshta ai do të ndryshojë mendje,” tha Brnabić

Kryeministrja shprehet se nuk është kundër mbajtjes së zgjedhjeve.

“Ju doni zgjedhje, nuk ka problem, ne jemi gjithmonë për zgjedhje. Sigurisht që i qëndroj besnike Serbisë dhe presidentit Vuçiç”, shkruan ajo.

Ka shumë vëzhgues që mendojnë se Vuçiç i nxit vetë shkrimet në media kundër Brnabic, për të testuar nëse bërja e saj kokê turku, do mjaftonte për ndaljen e protestave.

p.k\dita