Bojkotit të seancave gjyqësore i është bashkuar edhe dhoma vendore e avokatisë në Vlorë e Korçë.
Kryetari i Dhomës së Avokatisë në Korçë, Arben Lena tha se nëse s’ka reflektim deri të premten, Komiteti Drejtues do të dalë me vendim tjetër.
“Sot nis greva e avokatëve për 4 dite siç është bërë e ditur. Kjo masë është marrë për të kundërshtuar vendimin e KLGJ. Ky vendim bie ndesh me aksesin në drejtuesi për gjithë popullsinë. Theksojmë vendosmërinë e avokateve të Korçës. Nëse s’ka reflektim deri të premten Komiteti Drejtues do dalë me vendim tjetër. Të gjithë avokatët janë në unison me njëri- tjetrin”, tha Lena.
Me kërkesën se qeveria e gjyqësorit duhet tërhiqet nga harta e re gjyqësore duke nisur nga kjo e martë dy mijë avokatë në gjithë vendin do te nisin bojkotin e proceseve gjyqësore në themel.
Nga ky bojkot bëjnë përjashtim masat e sigurimit personal me të arrestuar.
Si argument veç interesit të qytetarëve avokatët pretendojnë se Shqipëria ka dalë nga një model i dështuar, ku më shumë se dy dekada më parë ishte vetëm një gjykatë Apeli ashtu sikurse parashikohet në hartën e re gjyqësore.
Me këmbëngulje po tentohet të trukohen dëmet që shkaktoi Vettingu në dëm të qytetarëve avokatët paralajmërojnë përshkallëzim të kësaj greve, thonë ata.
Kreu i dhomën së avokatisë Vlorë, Durim Barjamaj ka theksuar se harta e re gjyqësore krijon probleme ndërsa është nisur sot me bojkot katër ditor ndërsa në vijim mund të shkohet edhe në bojkot të masave të sigurisë ç’ka fut në kolaps shtetin.
Gjate kësaj të marte janë pezulluar 60 seanca në gjykatën e Faktit, 40 apeli, 24 gjykata administrative Vlorë.
KLGJ shkriu 18 gjykata duke reduktuar gjykatat e Apelit në një të vetme në Tiranë, duke hequr pesë gjykatat administrative që do jenë në vetëm dy, një në kryeqytet dhe një në qytetin e Lushnjës dhe duke lënë vetëm 13 gjykata të Shkallës së Parë nga 22 që ishin.
j.l./ dita
