Ka përfunduar 2-2 ndeshja e kthimit midis Tiranës dhe Kastriotit.
Bardheblutë kalojnë për fazën gjysmëfinale të Kupës së Shqipërisë me rezultatin e përgjithshëm 6-3, pasi takimi i parë i zhvilluar në Kamzë ishte mbyllur 4-1 për kryeqytetasit.
Nuk kishte histori në ‘Selman Stërmasi’. Tirana shënuan dy gola të shpejtë me Hasanin (14’) nga pika e penalltisë dhe Najdovski (24’). Arapi (43’) për Kastriotin doli me të kuqe dhe kjo e bëri më të lehtë për Tiranën.
Por në pjesën e dytë ekipi i Shehit e uli ritmin dhe kjo i dha mundësinë krutanëve të ishin kërcënues. Pas një krosimi në zonë dhe një rrëmuje, Iseni (74’) shkakton autogol duke e ngushtuar rezultatin 2-1.
Më pas Kastrioti fitoi një penallti dhe Ajazi (83’) dërgoi topin në rrjetë, duke barazuar 2-2.
Këtu mbyllet ‘historia’ Tirana-Katstrioti, ku bardheblutë kualifikohen për në gjysmëfinale.
Në ‘Kukës Arena’, verilindorët kanë fituar me rezultatin 2-1 ndaj Teutës, në një sfida dramatike, ku ‘Djemtë e Detit’ janë ata që sigurojnë biletën tjetër të gjysmëfinales. Përballja e parë ishte mbyllur me rezultatin 2-0 për durrsakët. Në sfidën e sotme, Gruda (29’) shënoi i pari për Teutën.
Në fillim të pjesës së dytë, Rashiti (58’) barazoi shifrat për verilindorët.
Në minutën e 77-të, Kukësi mbeti me 10 lojtarë pas kartonit të dytë të verdhë të marrë nga Shqiprim Taipi. Por, në fund Gjelbrim Taipi (92’) shënon golin e përmbysjes së rezultatit në 2-1 për Kukësin, por verilindorët nuk mundën të kualifikoheshin për shkak të rezultatit të përgjithshëm 3-2.
j.l./ dita
