Kryeministri i Kosovës, Albin Kurti ka dhënë së fundmi një intervistë për gazetën gjermane Frankfurter Allgemeine Zeitung ku ka thënë se Kosova do të jetë në mesin e shteteve si Ukraina, Moldavia dhe Gjeorgjia që do të dorëzojë aplikimin për anëtarësim në Bashkimin Evropian.
Aplikimi tha Kurti, do të bëhet në dhjetor. Ndër të tjera, Kurti foli rreth marrëveshjes së fundit më Serbinë ku anulua zbatimi për implementimin e fazës së dytë të vendimit për targat, që përfshinte dënimin e shoferëve më targa ilegale KM. E si shkëmbim për këtë, Serbia ra dakord të ndalojë lëshimin e targave ilegale KM, SRB etj.
“Ne kemi rënë dakord që të mos zbatojmë vendimin tonë për penalizimin e drejtuesve të automjeteve me targa të paligjshme serbe. Serbia ka rënë dakord të ndalojë lëshimin e targave të trashëguara nga regjimi i Slobodan Millosheviqit. Këtë e bëmë jo vetëm për të de-përshkallëzuar, por edhe për të krijuar një mundësi për fillimin e shpejtë të negociatave për një normalizim të plotë të marrëdhënieve ndërmjet Kosovës dhe Serbisë”, ka thënë Kurti.
Pyetje nga gazetari Michael Martens: Si kreu i qeverisë së një vendi të vogël, a dëshironi ti injoroni aleatët më të rëndësishëm?
Kurti u përgjigj se është i gatshëm të flasë me komunitetet për të drejtat e pakicës serbe.
“Pasi të flasim për normalizimin e marrëdhënieve tona, jam i gatshëm të flas për komunitetet dhe të drejtat e pakicës serbe, por jo si parakusht për bisedime, por si pjesë e tyre”, tha Kurti.
Gjatë intervistës gjithashtu u fol edhe për propozimin franko-gjerman, zgjidhjen e konfliktit ndërmjet Beogradit dhe Prishtinës dhe rolin e Jens Plötner dhe Emmanuel Bonne, këshilltarë për politikën e jashtme të Olaf Scholz dhe Emmanuel Macron, në procesin e dialogut Kosovë – Serbi.
j.l./ dita
po xhamite dhe shamite ku do i shpiesh?