Një sulm me dron në periferinë jugore të Bejrutit, Dahiyeh, një bastion i Hezbollahut, vrau të martën zyrtarin e lartë të Hamasit, Saleh al-Arouri.
Droni goditi një zyrë të Hamasit, duke vrarë gjashtë, njoftoi agjencia shtetërore e lajmeve libaneze.
Saleh al-Arouri ishte një ndër njerëzit më të kërkuar në Amerikë.
Hamasi konfirmoi vdekjen e Salah al-Arourit dhe e quajti atë një “vrasje frikacake” nga Izraeli, duke shtuar se sulmet kundër palestinezëve “brenda dhe jashtë Palestinës nuk do të kenë sukses të thyejnë vullnetin dhe stabilitetin e popullit tonë ose të minojnë vazhdimësinë e rezistencës së tij të guximshme”.
“Kjo dëshmon edhe një herë dështimin e tmerrshëm të këtij armiku për të arritur ndonjë nga qëllimet e tij agresive në Rripin e Gazës,” tha organizata.
Pas lajmit për vdekjen e al-Arurit, xhamitë në Arura, në veri të Ramallah, janë në zi për vdekjen e tij dhe këtë të mërkurë është thirrur një grevë e përgjithshme.
#Hamas confirms al-Arouri is dead
Hamas deputy political leader Saleh al-Arouri was one of the most wanted people in #America, with informants receiving $5 million for information about him.https://t.co/CFj5bsMCIB pic.twitter.com/R0pCMcS0ZD
— Lew Anno Suport #Ukraine 24/2-22 (@anno1540) January 2, 2024
Kush ishte Saleh al-Arouri?
Al-Arouri, 57 vjeç, ishte nënkryetari i Byrosë Politike të Hamasit dhe një nga themeluesit e krahut të armatosur të grupit, Brigadave Qassam.
Ai jetonte në mërgim në Liban pas 15 vitesh në një burg izraelit. Para fillimit të luftës më 7 tetor, kryeministri izraelit Benjamin Netanyahu e kishte kërcënuar se do ta vriste.
Në javët e fundit, Salah al-Arouri ka marrë rolin e zëdhënësit të grupit dhe i tha Al Jazeera muajin e kaluar se Hamasi nuk do të diskutonte një marrëveshje shkëmbimi të të burgosurve për grupin përpara përfundimit të luftës në Gaza.
Shtetet e Bashkuara e cilësuan al-Arouri si “terrorist global” në vitin 2015 dhe dhanë një shpërblim prej 5 milionë dollarësh për çdo informacion rreth tij.
Çfarë tha Izraeli për vdekjen e Salah al-Arouri ?
Edhe pse nuk ka pasur një përgjigje zyrtare nga Izraeli në lidhje me vdekjen e zyrtarit të Hamasit, Mark Regev, një këshilltar i Netanyahut, i tha MSNBC-së amerikane se Izraeli nuk merr përgjegjësinë për këtë sulm. Por, shtoi ai, “Kushdo që e bëri atë, duhet të jetë e qartë: nuk ishte një sulm ndaj shtetit libanez“.
“Kushdo që e bëri këtë i dha një goditje kirurgjikale udhëheqjes së Hamasit”.
Megjithatë, Danny Danon, një ish i dërguar izraelit në Kombet e Bashkuara, e mirëpriti sulmin dhe përgëzoi ushtrinë izraelite, shërbimin e sigurisë Shin Bet dhe Mossad, agjencinë e inteligjencës izraelite, për vrasjen e Salah al-Arourit.
“Kushdo që mori pjesë në masakrën e 7/10 duhet të dijë se ne do t’i kontaktojmë dhe do të mbyllim llogaritë me ta,” tha ai për X në hebraisht, duke iu referuar sulmit të 7 tetorit nga Hamasi në Izraelin jugor që vrau afro 1200 njerëz.
Bombardimet dhe granatimet e pamëshirshme të Gazës nga Izraeli kanë vrarë më shumë se 22,000 palestinezë, duke përfshirë më shumë se 8,000 fëmijë.
Sipas mediave izraelite, qeveria udhëzoi ministrat e kabinetit që të mos jepnin intervista për vdekjen e al-Arurit pas postimit të Danon në X.
j.l./ dita
