Vijon puna për lokalizimin e dy anijeve që dyshohet se transportojnë ngarkesë me mbetje të rrezikshme që janë nisur nga Porti i Durrësit.
Ngarkesa ka vënë në alarm autoritetet në Tajlandë dhe jo vetëm, pasi dyshohet se është e mbushur me 816 ton pluhur të rrezikshëm nga filtrat e furrave të çelikut.
Ndërkohë një hetim ndërkombëtar ka nisur mbi trafikimin e dyshuar të mbetjeve toksike nga Shqipëria drejt Tajlandës. Sekretariati i Konventës së Bazelit ka ngritur alarmin dhe ka kërkuar bashkëpunimin e autoriteteve shqiptare.
Struktura që po heton çështjen në vendin tonë bënë me dije për TCH se po hetohet jo vetëm mbi subjektin eksportues dhe veprimtarinë e tij, por dhe për ata që kanë përgjegjësi në dhënien e autorizimit për eksportet.
Hetimi është ende në proces dhe burime të përfshira në të shprehen se ka zhvillime pozitive, por që ende nuk mund të bëhen publike, pasi mund të cenojnë mbarëvajtjen e hetimit, ndërsa anijet janë ende në lundrim.
Anijet ‘Maersk Candor’ dhe ‘Maersk Campton’ pritet të arrijnë në Singapor javën e ardhshme dhe prej aty ngarkesat të lundrojnë drejt Tajlandës si destinacion përfundimtar i ngarkesës së dyshuar me mbi 800 ton mbetje toksike.
i.b./dita
Pse neve prodhojme pluhura te rrezikshem skorje celikuuu?
Pse neve mbysim boten ,Azine e larget me mbetje helmuese Industriale?
Po neve nje Fonderi turke Kurum kemi ne Shqiperi?
E more Demo, pergjigja e pseve tuaja dihet por nuk gjehet ose nuk duan ta gjejne . Ti a e beson qe mund te dalin nga porti gjithe ai material dhe as drejtuesit e portit te mos e dijne?!
Rradhen tjeter mun te ndodhe e kunderta hesht!
POPULLI=DELE VAZHDON GJUMIN!!!!
(I KËRKOJ NDJESË DELEVE PËR KRAHASIMIN).
Normalisht nga filtrat e furnaltes kapat zink ne trajte pluhuri qe vjen nga shkrirje skrapi ku ka edhe çelik te galvanizuar. Mesa di nga shume fonderi skrapi pluhuri i filtrave kerkohet nga prodhuesit e zinkut. Ka gati 60% Zn.
Po , e gjitha kjo ngarkese bohen ne kalaten lindore , dhe vazhdojne akoma te mbushin kondiniere me substanca te tilla. Dhe ne kalaten zerro ne portin e durresit ka akoma mbetje te (shllomit si i themi ne).