Letër Kryeredaktorit lidhur me qëndrimin e Tiranës për Murin e Berlinit

I nderuar Zoti THANO,

Së pari, falenderoj gazetën tuaj të nderuar për botimin e shkrimit « Muri i Berlinit, si sindromë dhe simbol historik » në numrin e datës 13 Gusht, në print dhe në internet. Gjithashtu, përgëzimet më të mira se në shumë shkrime të tjera nga autorë të respektuar dhe profesionistë duket se i keni mbetur besnikë analizës, kujtimit dhe nderimit të datave të shënuara në historinë e vendit, tëEuropës dhe botës. Tregues domethënës ky i nivelit të lartë emancipues, qytetar dhe patriotik të Gazetës DITA.

Me këtë rast, dua të falenderoj shumë komentues dhe të shkrimevetë mëparshme për komentet dhe vlerësimet e tyre pozitive, ashtu sikurse çmoj sinqerisht vërejtjet apo shënimet kritike dhe nga lexues e  ndjekës të tjerë po aq të nderuar.

Për rëndësinë që ka nga ana historike dhe politike, sot desha të sqaroj një komentues për shqetësimin  e tij se kam harruar të përmend kundërshtimin e rregjimit tonë ndaj ndërtimit të Murit të Berlinit në vitin 1961. Le ta them troç qysh në krye të herës se rregjimi ynë atëherë mbështeti ngritjen e Murit të Berlinit.

Më konkretisht, plot një vit më parë, këtë temë e kam trajtuar me akte, fakte dhe referenca origjinale në një shkrim dhe më të gjerë në një media tjetër serioze. Mjafton të klikoni « Po-ja e Tiranës për Murin e Berlinit » dhe do ta gjeni.  

Gjithsesi, për më shkurt dhe për lehtësi për lexuesin, ftoj këdo të interesuar dhe komentuesin në fjalë të lexojnë më poshtë një fragment të shkëputur nga libri « Berlini pa mure ( TOENA, 2009) faqe 147 – 149 me të njëjtin titull.

Me falenderime dhe respekt

Jorgji KOTE

PO-ja e Tiranës për Murin e Berlinit

…….Eshtë shumë interesante të shohim me këtë rast qëndrimin zyrtar shqiptar ndaj Murit, jo dhe aq shumë i njohur për publikun. Muri i Berlinit nuk ishte  lajm  i mirë, sidomos për ata që aspironin dhe ëndëronin më shumë hapësira lirie, hapje dhe bashkëpunim. Në fakt, Shqipëria e kishte ndërtuar kohë më parë Murin e saj të madh të mbylljes nga bota, që do të sofistikohej më tej e do të blindohej me qindra mijra bunkerë. Në Gusht 1961, marrëdhëniet e Ish-Partisë së Punës me Ish-Partinë e Komuniste tëBS-së dhe atë të RDGJ-së ishin ftohur mjaft, sidomos pas Kongresit të mirënjohur të 81 Partive Komuniste e Puntore në Moskë. Por, pavarësisht nga sa sipër, rregjimi i atëhershëm duhejtë prononcohej në favor të qëndrimit të kampit socialist, pasi gjithsesi SHBA-të dhe aleatët e saj ishin e do të mbeteshin armiqtë e saj më të mëdhenj. Veç kësaj, duke mbështetur ngritjen e Murit, rregjimi i atëhershëm dekurajonte ato forca disidente apo kundërshtare që mundoheshin të bindnin sa më shumë shqiptarëpër t’u larguar nga Shqipëria.

Kronikat e ZP-së

Ironikisht, pikërisht më 13 Gusht, Gazeta “ Zëri i Popullit” organikryesor i Komitetit Qëndror të PPSH-së jepte një njoftim të shkurtër, sipas të cilit deri në vitin 1954, nga Gjermania Perendimore ishin larguar për në pjesën lindore 700.000 shtetas të RFGJ-së, për shkaqe ekonomike, papunësie e të tjera dokra si këto! Çfarë gënjeshtra me bisht, kur në fakt, deri në vitin 1961 ngaIsh-RDGJ-ja ishin larguar për në perendim plot 4 Milion vetë! Duke vazhduar me shfletimin e numrave të ZP-së të datave 16 – 28 Gusht 1961,  në faqet mbi lajmet e jashtme, gjatë gjithë atyre ditëve, ka shumë kryeartikuj dhe njoftime me tituj bombastikë si “ Në interes të sigurisë dhe paqes në RDGJ”  “ Vendim i ligjshëm në dobi të paqes dhe sigurimit në Europë”, etj. Nëpërmjet tyre, rregjimi i atëhershëm i bënte jehonë vendimit të qeverisë gjermanolindore për ngritjen e Murit,” si një masë e domosdoshme për mbrojtjen dhe garantimin e sigurisë së kufijve, të së drejtës legjitime për mbrojtjen e territorit dhe sovranitetit të kërcënuar nga veprimet subversive e militariste të Bonit” etj.

Në disa shkrime dhe njoftime të tjera u bëhej jehonë deklaratave të disa Partive Komuniste dhe lëvizjeve radikale të majta në Francë, Britaninë e Madhe e gjetkë, që mbështetnin “ masat e RDGJ-së për mbrojtjen e kufirit të tyre shtetëror nga makina gjermanoperendimore e luftës! Ndërsa në numrin e datës 20 Gusht, përcillet e plotë Nota e Protestës e Qeverisë Sovjetike përQeverinë amerikane për veprimet e sipërpërmendura provokuese dhe luftënxitëse, që kishin detyruar Ish-BS-në dhe RDGJ-në tëmerrnin masat mbrojtëse.

Tabuja e Murit

Por, edhe lexuesi më i thjeshtë nuk e ka të vështirë të vërejë se nëtë gjitha këto shkrime, ashtu si dhe në propagandën zyrtare sovjetike, të RDGJ-së, etj, fjala “ Mur” nuk përmendet asnjëherë; në çdo rast, me një gjuhë të thatë e skematike bëhet gjithnjë fjalë për “ masa për mbrojtjen e sovranitetit dhe sigurisë”. Kësisoj, njerëzit që nuk kishin ndonjë ide të qartë për çka po ndodhte në atë kohë e sidomos në mungesë të mjeteve të informimit masiv dhe të izolimit të madh, mund edhe t’i jepnin të drejtë vendimit tër regjimit gjermano-lindor. Por, me siguri, po të thuhej se u ngrit një Mur në mes të Berlinit, 156 km i gjatë, me tela me gjemba e kështu me radhë, dhe se jo perëndimi por lindja po “ përmbytej me refugjatë nga perëndimi” atëhere dhe tingëllimi politik i këtyre njoftimeve do të ishte krejt i ndryshëm. Ndaj, mesa duket, në atë duzinë artikujsh e shkrimesh kushtuar kësaj ngjarje, asnjëherë nukpërmendet fjala “ Mur”.