Policia bën me dije se po vijon me kontrollet intensive për identifikimin dhe arrestimin e shtetasve që mbajnë armë, pa leje.
Si rezultat i këtyre kontrolleve, policia e Durrësit ka vënë në pranga një 17-vjeçar, i cili lëvizte i armatosur. Gjatë kontrollit fizik, uniformat blu i gjetën adoleshentit armën e zjarrit, të cilën e sekuestruan.
“Shërbimet e Policisë kapën në flagrancë dhe vunë në pranga shtetasin K. Gj., 17 vjeç, banues në Durrës. Nga kontrolli fizik, 17-vjeçarit iu gjet dhe iu sekuestrua në cilësinë e provës materiale, një armë zjarri pistoletë”, sqaron policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
p.k\dita
