Një ngjarje e rëndë është bërë publike mbrëmjen e së hënës në një emission investigativ, ku një i mitur u dhunua për tre vite rresht nga elektricisti i fshatit Funare në Librazhd, prej klasës së V-të deri në klasën e VIII-të që është sot.
Pas dhunimit ai u bullizua gjë që e çoi të ndërmerrte një akt të rëndë, atë të hedhjes nga kati i tretë i konviktit ku qëndronte. E gjithë historia u mbajt e fshehtë dhe asnjë institucion nuk mori asnjë masë.
Në emision u shfaqën video tronditëse të dhunës që ushtrohej ndaj të miturit, ku përveç elektriçistit dhunues, dikush tjetër xhironte skenat.
Kjo ka qenë edhe arsyeja që i mituri ka braktisur shkollën, i bullizuar nga bashkëmoshatarët.
Vetë fëmija në prezencën e të ëmës shprehet se nuk është ankuar për atë person te familjarët pasi ndjente frikë.
Familja vendosi ta çonte në një shkollë në Librazhd, ku qëndronte në një konvikt fetar pa pagesë. Aty, i mituri tentoi vetëvrasjen duke u hedhur nga kati i tretë i godinës.
Nga ai moment fëmijën e risollën në fshat, ku e riregjistruan në shkollën që kishte qenë, por që nuk e frekuenton. I mituri është mbyllur në shtëpi.
m.b/dita
