Nuk është vetëm aktiviteti fizik që na bën të rraskapitur: edhe me sforcime të zgjatura mendore ndihemi të lodhur.
Tashmë grupi i udhëhequr nga Antonius Wiehler i Institut du Cerveau në Paris ka identifikuar mekanizmin që qëndron në themel të lodhjes mendore: një akumulim i glutamatit, një neurotransmetues me rol jetësor.
Në sinapset (në të majtë), “nyjet” përmes të cilave kalon impulsi nervor nga një neuron në tjetrin, sinjalet transmetohen falë çlirimit të substancave të tilla si glutamati.
Vendime
Studimi zbuloi se çfarë ndodh në trurin e vullnetarëve të angazhuar në ushtrime të kujtesës për orë të tëra, duke përdorur spektroskopinë e rezonancës magnetike bërthamore, një teknikë që mat nivelet e substancave në inde.
Tek vullnetarët e lodhur, krahasuar me ata që kishin kryer një detyrë më të lehtë, nivelet e ngritura të glutamatit u matën në korteksin lateral paraballor (të përfshirë në detyra të vështira mendore). Dhe u zbulua gjithashtu se ishte më e vështirë të kontrolloheshin vendimet: vullnetarët prireshin të zgjidhnin alternativën më të thjeshtë, siç ishte një shpërblim më i vogël i menjëhershëm. Kjo është arsyeja pse, thonë shkencëtarët, “është më e vështirë të ushtrosh kontroll konjitiv, në fund të një dite rraskapitëse”.
a.c./dita
