Ministri i Brendshëm francez, Gerald Darmanin, tha të mërkurën se rreth 300,000 spektatorë do të mund të marrin pjesë në ceremoninë e hapjes për Lojërat Olimpike në Paris, e thënë ndryshe, rreth gjysma e madhësisë së asaj që ishte planifikuar fillimisht.
Shfaqja madhështore në brigjet e lumit të Senës më 26 korrik do të shënojë herën e parë që një ceremoni hapjeje mbahet jashtë një mjedisi të zakonshëm stadiumi. Masat që do të ndërnerren përfshijnë gjithashtu një operacion masiv sigurie, me dhjetëra mijëra oficerë policie dhe ushtarë të vendosur.
Atletët gjithashtu do të parakalojnë në zemër të kryeqytetit francez me varka në lumin Senë përgjatë një rrugëtimi prej 6 kilometrash. Të dy brigjet e lumit do të jenë të rrethuar nga spektatorë, pas kordoneve të shumta të sigurisë.
Duke folur në kanalin televiziv francez France 2, Darmanin tha se planet aktuale do të lejojnë 100,000 spektatorë me pagesë me pamje nga bregu i luumit dhe më shumë se 220,000 njerëz me bileta falas në argjinaturat e sipërme të lumit. Organizatorët fillimisht kishin vlerësuar se rreth 600,000 spektatorë mund ta ndiqnin ceremoninë, por Darmanin nuk dha një arsye pse ata i kanë rishikuar ato shifra.
“Unë e di se ne kemi forcat më të mira të sigurisë në botë dhe ne do të jemi në gjendje të tregojmë se Franca është e aftë të fitojë medalje dhe, mbi të gjitha, të presë botën pa asnjë problem”, tha ministri.
j.l./ dita