Një avion ‘Canadair’ që merr pjesë në operacionin për shuarjen e zjarreve në Greqi është rrezuar dhe ka shpërthyer në flakë, siç edhe shikohet në video. Në video shihet avioni duke lëshuar ujë për të shuar zjarrin e bën një kthesë djathtas dhe më pas godet një degë dhe humb drejtimin duke përfunduar më pas në greminë.
Mediat greke shkruajnë se ai ka rënë në zonën e Platanistos, dhe dyshohet se dy pilotët që ndodheshin në bord kanë ndërruar jetë. Helikopteri sapo ishte furnizuar me ujë po shkonte drejt objekteve ku do ta shkarkonte atë, kur është zhdukur nga radarët. Helikopteri është rrëzuar në një luginë në fshatin Potami, territor që sipas mediave është akoma në flakë. Për në vendin e ngjarjes është nisur një helikopter tjetër për të verifikuar çfarë ka ndodhur!
Janë konfirmuar të vdekur dy pilotët që ndodheshin në avionin zjarrfikës, që u rrëzua në zonën e Karystos në Greqi, teksa ishin në mision për shuarjen e flakëve. Mediat greke bëjnë me dije se kanë humbur jetën dy pilotët, Christos Moulas, 34 vjeç dhe Periklis Stefanidis, 27 vjeç. Pas lajmit të trishtë, Forcat e Armatosura kanë njoftuar tre ditë zi në nder të tyre.
Avioni u rrëzua teksa tentonte të shuante flakët në këtë zonë, ndërsa pamjet dramatike janë transmetuar në lidhje direkte në disa media helene. 27-vjeçari, Periklis Stefanidis, me origjinë nga Selaniku, ishte pilot i Forcave Ajrore dhe që në moshë të vogël kishte ëndërr të griste valët me avionin e tij. Ndërsa 34-vjeçari Christos Moulas kishte pasion avionët dhe udhëtimet dhe shpeshherë publikonte foto të fluturimeve të tij në rrjetet sociale. Ai ishte i martuar por fatkeqësisht nuk arriti të shijonte gëzimin e atësisë pasi gruaja e tij është 3 muajshe shtatzënë.
