Kryeministri izraelit Benjamin Netanyahu tha se vendi i tij do të “arrijë të gjitha qëllimet e kësaj lufte” dhe paralajmëroi se “lufta nuk ka mbaruar”, vetëm disa ditë pasi Izraeli dhe Hamasi ranë dakord për një armëpushim dhe marrëveshje për lirimin e pengjeve.
Në një fjalim për të përkujtuar ushtarët e rënë izraelitë të enjten, kur Izraeli po shënon përvjetorin e sulmeve të 7 tetorit, Netanyahu këmbënguli se Izraeli po lufton në vijat e frontit në rajon.
“Kushdo që ngre dorën kundër nesh e di tashmë se do të paguajë një çmim shumë të lartë për agresionin e tij. Ne jemi të vendosur ta çojmë fitoren deri në fund, një fitore që do të formësojë rrjedhën e jetës sonë për shumë vite”, tha Netanyahu.
Ushtria izraelite intensifikoi luftimet në fronte të shumta në rajon pas sulmeve të udhëhequra nga Hamasi më 7 tetor – duke nisur sulme ndaj Iranit, në Liban dhe Siri.
“Sfida të mëdha ende na presin, nga armiqtë që kërkojnë të riarmatosen. Sfida të mëdha dhe përkrah tyre, mundësi dramatike për të zgjeruar rrethin e paqes”, shtoi ai.
Më herët këtë javë, zyrtarët izraelitë dhe të Hamasit liruan më shumë se 1,700 palestinezë që Izraeli i mbante pa akuza, 250 të burgosur palestinezë dhe 20 pengje të mbetura gjallë. Por në Izrael, një pjesë e këtij lehtësimi është eklipsuar nga zemërimi për vonesën e lirimit të pengjeve të ndjera nga Hamasi.
Netanyahu u zotua përsëri të enjten se do të “kthejë të gjithë pengjet”.
Dy vjet bombardime izraelite kanë shkatërruar pjesë të mëdha të Gazës, duke i komplikuar përpjekjet për të rikuperuar disa nga trupat e pengjeve të vdekura dhe për të shpëtuar dhjetëra mijëra palestinezë nga rrënojat.
j.l./ dita
