Presidenti i Ukrainës, Volodymyr Zelensky, dhe kryeministri polak, Mateusz Morawiecki kanë firmosur një memorandum bashkëpunimi për rindërtimin e Ukrainës së shkatërruar nga lufta.
Po ashtu është nënshkruar dhe marrëveshja për prodhimin e përbashkët të armëve luftarake. Polonia dhe Ukraina ranë dakord të bashkëpunojnë në rindërtimin e Ukrainës pas përfundimit të luftës me Rusinë dhe ndërkohë, të prodhojnë së bashku predha tankesh të kalibrit 125 mm që Ukraina ka nevojë për të luftuar pushtimin rus.
Dy dokumentet u nënshkruan në prani të Zelensky dhe Morawiecki. Zelensky ndodhet në Poloni, ku ka zhvilluar takim me homologun e tij polak, Andrzej Duda.
m.b./dita