Mali i Zi mbetet i vendosur në rrugëtimin e tij drejt Bashkimit Evropian, duke synuar anëtarësimin e plotë brenda vitit 2028, ndërsa hedh poshtë çdo ide apo propozim për një anëtarësim me të drejta të kufizuara ose të “kategorisë së dytë”.
Deklarata është bërë nga Ministrja e Çështjeve Evropiane e Malit të Zi, Maida Gorçeviç (Maida Gorčević). Gjatë fjalës së saj, ministrja theksoi se vendi po punon me intensitet për përmbushjen e të gjitha standardeve dhe reformave të kërkuara nga BE-ja, me qëllim që të bëhet anëtar me të drejta të plota.
“Qëllimi ynë është i qartë: anëtarësim i plotë në BE deri në vitin 2028. Mali i Zi nuk kërkon rrugë të shkurtra dhe as nuk pranon status të kategorisë së dytë,” u shpreh Gorçeviç, duke nëvizuar përkushtimin e Podgoricës për zbatimin e reformave në shtetin e së drejtës, ekonomisë dhe përafrimin me legjislacionin evropian.
Mali i Zi konsiderohet vendi më i avancuara në rajonin e Ballkanit Perëndimor sa i përket procesit të negociatave të anëtarësimit me Bashkimin Evropian.
o.p. / dita
