Manchester United ka ndërmarrë një tjetër masë drastike për të zbutur disi krizën ekonomike ku ka shkarkuar 200 punonjës. Ndër të tjera, klubi ka hequr ushqimin falas për stafin teknik, përfshirë trajnerin Ruben Amorim.
Kriza ekonomike te Manchester United nuk është një shaka, por realisht klubi anglez po kalon një periudhë shumë të vështirë. Masat e marra për zbutjen e këtij fenomeni sa vijnë e bëhen më të ashpra, ku kujtojmë se muaj më parë u shkarkuan 250 punonjës, si dhe legjenda Sir Alex Ferguson. Pak orë më parë, një lajm ka qarkulluar në mediat britanike, ku konfirmuan se vrulli i shkarkimeve vazhdon, ku pronari Jim Ratcliffe ka urdhëruar shkarkimin e 200 punonjësve të tjerë të klubit.
Kjo është vetëm një pjesë e masave të marra, pasi ndër të tjera thuhet se gjithashtu është hequr vakti falas i ushqimit për stafin aktual, madje dhe për atë teknik, e më tej trajnerin Ruben Amorim. Të vetmit që do të ushqehen falas nga klubi janë futbollistët. Kjo është një lëvizje e padëgjuar më parë në futbollin e këtij niveli, por ndoshta as në kategoritë më të ulëta, ku stafi është lënë pa ushqim.
Ekspertët pranë skuadrës kanë deklaruar se kostot e këtyre shërbimeve shkonin në 1 milionë euro, e ulja e tyre do të sillte një përmirësim të buxhetit, megjithëse rrogat e lojtarëve në klub mbeten sërish të larta. Sipas informacioneve, Manchester United ka një gjysmë dekade në të cilën ka vetëm humbje në aspektin ekonomik.
d.t/dita
