Masakrimi me thikë i Ilaria Sulës, krim i ndodhur në banesën e ish të dashurit të saj filipinas në rrethana të paqarta, mbetet i mbushur me mister.
Në një letër drejtuar prokurorëve të Romës që po hetojnë çështjen, Mark Samson shpjegoi versionin e tij të vrasjes së femrave të Ilaria Sulës.
“Nga ora 22:15 e 25 marsit deri në mesnatë folëm për marrëdhënien tonë, për faktin se më shqetësonte dhe isha lodhur duke pritur dhe ndërkohë ajo kërkonte njerëz të tjerë për t’u lidhur”, shkroi 23-vjeçari në letër, në të cilën jep fazat që i paraprinë goditjes me thikë të studentes shqiptare, ngjarje e ndodhur në apartamentin ku jetonte Samson me prindërit e tij në rrugën Homs, në lagjen Afrikane të Romës.
Më pas shtoi: “Po bëhej vonë, kështu që ajo më pyeti nëse mund të qëndronte natën në shtëpinë time. I dhashë disa pizhame që të flinte rehat. U shtrimë në shtratin tim dhe filluam të flasim për gjërat e mira që kishim përjetuar së bashku, përvojat, udhëtimet dhe nofkat që i vinim njëri-tjetrit. ‘Amore’, ‘tesoro’, ‘vita’, pastaj kaluam te fjalët shqipe ‘shpirt’, ‘zemra ime’ dhe ato filipinase ‘bebe ko’, ‘mahal’, ‘asawa’”.
I riu akuzohet për vrasje me dashje dhe fshehje të kufomës. Nga ana tjetër, nëna e Samson po hetohet për bashkëpunim në fshehjen e kufomës.
j.l./ dita
