Ditën e sotme është mbledhur Komisioni Antikorrupsion në Kuvendin e Shqipërisë, nën drejtimin e Fatmir Xhafajt. Ky i fundit në fjalën e tij tha se do të ketë 3 nëngrupe për të garantuar reformat e duhura. Ndërkohë, anëtarja e Komisionit, Milva Ekonomi tha se është punuar fort për shtyllën e mirëqeverisjes. Anëtarja Evis Kushi deklaroi se dixhitalizimi i shërbimeve është një prioritet absolut i qeverisë, me qëllim që shërbimet të merren më lehtë dhe të shmanget korrupsioni. Po ashtu vlen të thuhet se në këtë komision vijon bojkoti nga ana e opozitës.
Pjesë nga diskutimet në Komision:
Xhafaj: Ekspertët duhet të nisin punën për një draft, duke pasur debat e konsultim publik. Do ketë 3 nëngrupe për reformat, sundimin e ligjit dhe antikorrupsionin.
Ekonomi: Kemi punuar fort për shtyllën e mirëqeverisjes. Mirëqeverisja duhet të ndërtohet mbi reformën e administratën publike, llogaridhënia ndaj qytetarëve, ofrimi i shërbimeve online, si dhe transparenca e financave. Kemi nevojë të marrim opinione nga shoqëria civile, por edhe grupet e teknikëve. Duhet të kemi persona, që janë të përgatitur për të shërbyer në administratë. Administrata duhet të jetë e aftë që të mbikëqyrë tregun. Për shumë gjëra që kanë të bëjnë me pushtetin vendor, ne kemi nisur që të veprojmë. Rekomandimet duhet të plotësohen.
Kushi: Unë desha të flas për dixhitalizimin e shërbimeve. Kemi ndërmarrë reforma për dixhitalizimin e shërbimeve në të gjithë sektorët. Qëllimi kryesor ka qenë lehtësimi i qytetarëve dhe bizneseve, duke ulur edhe korrupsionin. E-Albania është një revolucion sepse ka integruar të gjithë regjistrat e shtetit shqiptar në të gjithë sektorët. Ambicia jonë është dhe më tepër se kaq, që të shfrytëzojmë në maksimum potencialin që ka Inteligjenca Artificiale, që të modernizojmë shtetin shqiptar, që të ndihmojmë personat me aftësi ndryshe. Shqipëria në këtë rrugë është bashkë me zhvillimet në inovacion që po bëhen në të gjithë botën. Në vizionin 2030 duhet të kemi vizion më të qartë, si do çojmë përpara shërbimet, për të pasur sisteme të sigurta, si do çojmë përpara kërkimin shkencor, si do rrisim kapacitetet e administratës publike etj. Duhet të mbrojmë dhe të dhënat e qytetarëve. Besoj se duke mbledhur forcat të gjithë bashkë, do të bëjmë më të mirën.
j.l./ dita
JEPI BABALE JEPI.
Futjani sa krahu ketij populli.
Ngrini komisione e nenkomisione dhe nuk e dime se c’fare shpikje te tjera djallezore del nga Satani Edi Rama.
Nje organ kontrolli I Rames qe do te kontrolloje KLSh-ne ,dyfishim personave per legalizimet duke futur ne valle edhe bashkite dhe te tjera.
Keta persona do te paguhen nga buxheti I shtetit,pra fryerje administrates dhe hedhja e topit te zbulimit te korupsioni pa adrese.
Sa mire qe nuk vjen opozita ne kete Komision qe do ta shkallmoje e nuk do ti lere shenje Korrupsionit!
Se po te ishte opozita aty jo vetem qe Korrupsioni nuk do shfarosej…por edhe do e vinin ne siklet vellacko Fatin ne krye te tij duke i kujtuar ate aferen time te droges e burgjet italiane!