“Mbylle gojën, gore”, Bardhi nuk përmbahet, bllokon foltoren e Kuvendit

Gazment Bardhi është përplasur në Kuvend me deputetin e PS-së, Erion Braçe pas tensioneve në foltore me kryeparlamentaren Lindita Nikolla.

Teksa Braçe i tha që t’i kërkonte falje për mënyrën se si iu drejtua Lindita Nikollës, kreu i Grupit të PD-së iu drejtua me fjalën “gore”, duke i kërkuar që të mbyllë gojën.

“Kërkoj falje unë kur ka reflektim nga kryetarja e Kuvendit, ka edhe nga ana jonë. Po pra po, a ka mundësi ta mbyllësh gojën ti aty tani, gore, aty na acaron nerva që në mëngjes”, i drejtohet Gazment Bardhi.

Bardhi ka bllokuar foltoren pasi kryeparlamentarja Lindita Nikola i ndëpreu fjalën dhe i hoqi zërin e mikrofonit.

Bardhi iu është drejtuar me tone të larta Lindita Nikollës, ndërsa është rrethuar nga Garda.

Gjithashtu kreu i Grupit të PD ka goditur me grusht foltoren në shenjë revolte.

“Këto sharjet të janë bërë natyrë e dytë”, iu drejtua kryeparlamentarja.

Më pas Nikolla shtoi: “Ju tërheq vëmendjen zoti Bardhi. Ju lutem, ju tërheq vëmendjen për lirimin e foltores. Nuk është interes personal i Ramës e askujt, e kemi ezaruar këtë çështje. Na lejoni të vijojmë”.

j.l./ dita