Qeveria në Meksikë nuk e ka lejuar një avion ushtarak amerikan të ulet në territorin e saj, duke penguar planet e administratës Trump për të dëbuar emigrantët.
Lajmi është konfirmuar nga burime pranë Departamentit amerikan të Mbrojtjes, të cilat kanë folur në kushte anonimati për mediat amerikane.
Dy avionë të forcave ajrore të llojit “C-17”, me rreth 80 emigrantë në bord secili, udhëtuan të enjten jashtë hapësirës ajrore amerikane; ndërsa një avion i tretë nuk u nis kurrë.
Ende nuk dihen motivet përse autoritetet meksikane e bllokuan fluturimin, por tensionet mes Shteteve të Bashkuara dhe vendit latin, fqinj dhe aleatë të vjetër, janë rritur që kur Trump fitoi zgjedhjet e nëntorit.
Trump ka kërcënuar me tarifa prej 25 për qind ndaj Meksikës në shenjë hakmarrjeje për emigrantët që kalojnë kufirin që dy vendet ndajnë së bashku, por nisma nuk ka hyrë ende në fuqi.
Një zyrtar i Shtëpisë së Bardhë deklaroi se fluturimi ishte një çështje administrative dhe dhe u korrigjua menjëherë.
Pas publikimit të lajmit, sekretarja për shtypin në Shtëpinë e Bardhë, Karoline Leavitt postoi mesazhin: “Ditën e djeshme Meksika pranoi fluturimin e katërt me emigrantë në 1 ditë”.
Ndërkohë, qeveria e presidentes meksikane Claudia Sheinbaum ka deklaruar se i kundërshton veprimet e njëanshme të Trump për të implementuar agjendën e tij.
i.b./dita
Besoj se Meksika e kupton se Amerika
eshte vendi me I sigurte per mbrojtjen e
interesave te saja.
Amerika nuk Po kerkon avanazhe te pa
drejta, por do qe tregetia me Meksiken
te ballancohet dhe kartelet te mos kene
hapsire veprimi per aktevitetin e tyre.
Paret e droges qe gjenerojne kartelet
Meksikane Po e pasurojne Meksiken
por nderkaq demet qe I behen popullit
Amerikan jane te jashtzakoneshme.
Meksika nuk Po arrin ta kete gjendjen
nen kontrroll dhe duhet te kerkoje
ndihmen e institucioneve Amerikane
te specializuara, qe me mjetet qe
disponojne ta paralizojne, eleminojne
kete kancer qe me kalimin e kohes
do demtojne shume rende Meksiken.