Gjykata e Posaçme la në burg dy policët Amarildo Lika dhe Elio Picaku të cilët akuzohen nga SPAK për korrupsion.
Sipas hetimeve, dy efektivët e Rrugores në Tiranë, kundrejt 500-1000 Eurove, rikthenin patentat e bllokuara. Nëse patenta ishte pezulluar për 3 muaj rimarrja e saj para afatit kushtonte 500 Euro, ndërsa për 6 muaj, 1000 Euro.
SPAK thotë në kërkesën për masë sigurimi se ka arritur të dokumentojë 8 raste të korrupsionit të këtyre personave, teksa hetimet nisën pasi më herët një tjetër efektiv ra në pranga për çështje korrupsioni.
m.b./dita
