Pak ditë nga emërimi i ministrit të ri të Brendshëm, Taulant Balla, sektori blu kalon përsëri në reformë drejtorësh dhe krerësh në komisariate dhe sektorë. Pas shkrirjes së zinxhirit komandues në Krujë për incidentin Rraja, sot njoftohen edhe ndryshime në kupolë. Bien në sy emërimi i ish-kreut të Krimit Ekonomik dhe Financiar, Lutfi Minxhozi, në krye të drejtorisë së EUROPOL (foto kryesore) dhe i ish-kreut të Interpolit, Artan Bajraktari, në krye të Policisë së Kukësit.
Vilson Bala merr drejtorinë Operacionale dhe zëvendëson Oltion Bistrin, ku ky i fundit kalon specialist i Krimeve të Rënda. Artan Bajraktari (foto poshtë) zëvendëson Arben Dashin dhe ky i fundit merr postin e drejtorit të Krimeve në Policinë e Shtetit. Kurse Edvin Ndreu zëvendëson Vilson Balën te Komisariati nr. 6 në Tiranë.
Ndryshimet në Policinë e Shtetit janë bërë me firmën e kryepolicit Muhamet Rrumbullaku. Ato janë si më poshtë:
