Një takim dyditor nis sot në Bruksel, i cili do të zhvillohet mes ministrave të Mbrojtjes të vendeve anëtare të NATO-s.
Ndër temat kryesore që do të diskutohet do të jetë dhe sulmi terrorist në veri të Kosovës, i kryer më 24 shtator.
Takimi do të drejtohet nga Sekretari i Përgjithshëm i NATO-s, Jens Stoltenberg.
30 ministra të Mbrojtjes do të diskutojnë sfidat e shumta me të cilat po përballet Aleanca e Atlantikut të Veriut.
Temat në rendin e ditës pritet të jenë lufta në Ukrainë dhe si të ndihmohet Kievi që t’i rezistojë sulmeve ruse dhe të bëjë përparim në kundërofensivë, veçanërisht në dritën e dimrit që po vjen dhe sulmeve gjithnjë e më të shpeshta të Moskës ndaj energjisë së Ukrainës. Gjithashtu do të diskutohet dhe sulmi ndaj Izraelit nga grupi militant palestinez Hamas, i cili ka zhvendosur sërish fokusin e publikut ndërkombëtar në Lindjen e Mesme.
j.l./ dita
