Shkodra do të ketë një kompleks sportiv për basketbollin dhe volejbollin, këtë herë të dhuruar nga modelja Angela Martini, me rastin edhe të ditëlindjes së saj. Pasditen e kësaj të marte është inauguruar fusha dhe këndi i lojrave të pozicionuar në oborrin e shkollës Ali Laçej, që është dhe investimi më i rëndësishëm i këtij viti, i cili do u shërbejë të rinjve dhe të rejave të këtij qyteti që të ushtrojnë sportet e tyre, falë “Angela Martini Fondation”.
Kjo nuk është hera e parë që Angela Martini dhuron për Shqipërinë, gjatë tërmetit të 2019-tës ajo dhuroi një shumë të konsiderueshme dhe gjatë vitit të pandemisë ndihmoi shumë familje në nevojë në zonën e Shkodrës.
