Drejtoria e Përgjithshme Detare ka njoftuar anulimin e disa lundrimeve të parashikuara për nesër. Sipas njoftimit është anuluar lundrimi i tragetit GNV më 6 janar 2024 ndërsa kompania Adria Ferries do i shtyjë për në orën 23:00 lundrimet e orës 13:00 për datat 6 e 7 janar.
Ndërkohë linjat e tjera do vijojnë funksionimin normalisht.
Njoftim:
Njoftojmë të gjithë pasagjerët se si rezultat i kohës së keqe kompania Grandi Navi Veloci do të anullojë nisjen e tragetit GNV Blu në datën 06.01.2024.
Kompania Adria Ferries nisjet e planifikuara në datat 06 dhe 07.01.2024 ora 13:00 do të spostohen në orën 23:00. Të gjithë pasagjerët të kontaktojnë kompanitë respektive për marrjen e informacioneve të mëtejshme.
Linjat e tjera Durrës-Bari-Durrës do të vazhdojnë normalisht.
Linja Durrës-Ankona-Durrës do të vazhdojnë normalisht.
Linja Vlorë-Brindisi-Vlorë do të vazhdojnë normalisht.
Linja Sarandë-Korfuz-Sarandë do të vazhdojnë normalisht.” – thuhet në njoftimin e DDD-së.
p.c. / dita