“Mos u shqetëso nëse e ngas makinën me një dorë, shqetësohu nëse i përdor të dyja”. Ishin këto shprehjet që përdorte 20-vjeçari, Klevis Ruçaj i cili humbi jetën të enjten në aksidentin te rrethrrotullimi i Saukut.
I riu udhëtonte bashkë me dy shoqe, kur automjeti tip “Audi A8” i ka dalë nga kontrolli duke shkatërruar barrierat dhe duke rënë në nënkalim sipër një makine tjetër. Dy vajzat humbën jetën, ndërsa 3 personat në makinën tip “Honda” janë në spital, jashtë rrezikut për jetën.
Në tre videot që Klevisi ka në rrjetin social TikTok është mbishkrimi “Pjesëmarrja në këto aktivitete mund të çojë në lëndimin tuaj, ose të të tjerëve rreth jush”.
Profili i tij ishte i mbushur me jetë luksi, pamje nga brenda makinave të shtrenjta, kazino dhe momente kur ai ngiste makinën me shpejtësi.
o.j/dita
