Trajneri i Romës, Jose Mourinho ka folur së fundmi për finalen e Europa League ndaj Sevillas. Duke folur për mediet italiane, tekniku portugez se Tirana është pjesë e historisë së tyre, ndërsa shtoi se nuk pret që Dybala të jetë në gjendje të luajë në finale.
“Tirana një vit më parë është histori, është një kujtim për shumëkënd. Shpresojmë që në shumë vite fëmijët e tanishëm të mund ta kujtojnë atë me fëmijët e tyre. Ajo është lloji i ndeshjes që duam të luajmë të mërkurë. Pellegrini do jetë i gatshëm të luajë në finale, ndërsa nga Dybala nuk pres gjë.”-deklaroi Mourinho.
Por për ekspertët e kompeticionit, Sevillan, nuk ka rival që i del përpara, sepse ata tashmë janë mbreti i Europa League. Dhe për më tepër që fati i ndjek gjithnjë në këtë kompeticion. Dybala nuk është mirë, është në dyshim për finalen e Europa League-s. Jose Mourinho i kishte paralajmëruar tifozët e Romës dhe ndjesitë për rikuperimin e argjentinasit për finalen e Budapestit pas seancës stërvitore të hapur për shtypit nuk janë pozitive. Sulmuesi nuk mori pjesë në seancë bashkë me shokët, pasi kavilja e dëmtuar i dhemb ende, ndërkohë që nuk ishin as Lorenzo Pellegrini për një problem në kavilje dhe Leonardo Spinazzola.
Ndërkohë, në krahun tjetër, Jose Luis Mendilibar i jep skuadrës së tij statusin e favorites për finalen që do të luhet në Budapest, teksa u shpreh: “Po ndjekim planin për të arritur në mënyrën më të mirë të mundshme në finale. Murinjo është një trajner i madh, mjafton të mendosh skuadrat që ka drejtuar dhe çfarë ka fituar. I ka fituar të gjitha finalet që ka luajtur dhe ka drejtuar në kampionatet më të forta të Europës. Ne do të provojmë ta mundim, edhe pse Roma është një skuadër tipike italiane. A jemi ne favoritët? Duhet të fitosh, pas finalistët as Zoti nuk i mban mend. Duke qenë se kemi arritur deri këtu, do të përpiqemi të fitojmë. Sevilla mund të konsiderohet favorite për historinë që ka”.
Fituesja e kompeticionit ka një vend të sigurt si kreu i një prej grupeve në sezonin e ardhshëm të Champions League dhe nuk është pak, duke qenë se të dyja skuadrat janë dobët në kampionatet respektive dhe mezi kapin zonën europiane. E jo vetëm kaq, por Champions u siguron direkt 25 mln euro për pjesëmarrje, pa llogaritur përfitimet nga ndeshjet në grup dhe kalimin e turit.
