Kryeministri i Gjeorgjisë denoncoi atë që ai e quajti një ‘lumë fyerjesh’ nga politikanët e BE-së dhe deklaroi se ‘keqbërësit e vendit tonë e kanë kthyer Parlamentin Evropian në një armë të hapur shantazhi kundër Gjeorgjisë’.
Protestuesit janë mbledhur në të gjithë Gjeorgjinë për të tretën natë radhazi të demonstratave kundër vendimit të qeverisë për të pezulluar negociatat për t’u bashkuar me Bashkimin Evropian.
Në të njëjtën natë, policia përdori gjithashtu forcë të rëndë kundër anëtarëve të medias dhe spërkati me ujë protestuesit përgjatë bulevardit qendror të kryeqytetit, Avenue Rustaveli.
Fitorja e diskutueshme e partisë qeverisëse Ëndrra Gjeorgjiane në zgjedhjet parlamentare të vendit të 26 tetorit, të cilat u panë gjerësisht si një referendum mbi aspiratat e Gjeorgjisë për t’u bashkuar me BE, ka ndezur demonstrata të mëdha dhe ka çuar në një bojkot të parlamentit nga opozita.
Në një intervistë me Euronews, presidentja e Gjeorgjisë Salome Zourabichvili tha se përmasat e protestave ishin të paprecedentë, sepse ato janë përhapur përtej kryeqytetit, Tbilisi.
“Çdo ditë ka gjithnjë e më shumë njerëz në rrugë. Dhe më e rëndësishmja, në vend po rritet një kundërshtim i vërtetë. Në institucionet shtetërore, ku njerëzit japin dorëheqjen, protestojnë, apo firmosin peticione, varësisht se për cilin institucion po flasim”, tha ajo.
Ajo gjithashtu kritikoi qeverinë aktuale, të kryesuar nga partia populiste Ëndrra Gjeorgjiane, si “të paligjshme”.
“Ata nuk janë njohur nga askush. Ata nuk janë njohur nga popullata gjeorgjiane, në radhë të parë. Ata nuk janë njohur nga forcat politike në vend, sepse asnjë parti opozitare nuk i ka njohur ata si fitues në këto zgjedhje pjesërisht të manipuluara. Askush nuk ka hyrë në Parlament, pra është një parti dhe një parlament i paligjshëm.”
j.l./ dita
