Greqia është ndër vendet e para që ofruan ndihmë për të mbijetuarit në zonat e dëmtuara nga tërmetet që ranë në Turqi dhe Siri të hënën e 6 shkurtit.
Kryeministri grek Mitsotakis teksa ka theksuar fqinjësinë e mirë që duhet treguar në kohë të vështira, u shpreh për CNNN seështë koha për të lënë mënjanë përkohësisht mosmarrëveshjet midis dy vendeve dhe të adresohet ajo që është një situatë shumë shumë urgjente.
Por, kryeministri grek e sheh me shqetësim faktin se në Siri nuk ka asnjë bashkëbisedues zyrtar dhe asnjë garanci se ndihma do të arrijë në zonën e prekur dhe kjo i bën të vështira e të ndërlikuara përpjekjet për të ndihmuar.
“Asnjë vend më vete nuk ka aftësinë për të bërë këto lloj marrëveshjesh.
Kjo është arsyeja pse unë mendoj se është e rëndësishme që këto negociata të mund të zhvillohen ose nëpërmjet OKB-së ose përmes Bashkimit Evropian duke tërhequr burime.
Unë nuk do të ndihesha i sigurtë nëse do të kisha këto një lloj diskutimi në një nivel dypalësh. Kjo nuk ka të bëjë me gjeopolitikën.
Nuk ka të bëjë me njohjen e ndonjë regjimi.
Kjo ka të bëjë me shpëtimin e njerëzve në kushte të tmerrshme që kanë nevojë dëshpërimisht për ndihmën tonë,” tha ai në një intervistë për CNN.
m.b./dita
