Muaji shtator nis në mënyrën më të keqe për krimin e Cosenza në Itali.
Nga ora 4 e mëngjesit, po zhvillohet një operacion policor në Catanzaro, e koordinuar nga kryeprokurori Nicola Gratteri, kundër ‘Ndrangheta-s së Kozencës. Janë kryer 202 arrestime ndërsa 254 persona janë nën hetim.
Operacionet kryhen nga Karabinierët e Komandës Provinciale të Cosenzës, të Skuadrave Lëvizëse të Shtabit të Policisë së Cosenzës dhe Catanzaros, të Shërbimit Qendror Operativ të Romës dhe të financuesve të Komandës Provinciale të Cosenzës.
Mediat italiane raportojnë se personat e ndaluar dyshohet se janë përfshirë në klane të ndryshme mafioze që veprojnë në qytet.
Mes personave të arrestuar është edhe kryetari i komunës Rende, Marcello Manna, i cili përfundoi në arrest shtëpiak, për korrupsion të dyshuar politiko-elektoral, që daton që nga zgjedhjet komunale të vitit 2019. Përveç Campagnano janë edhe anëtarë të tjerë të administratës komunale të hetuar, si Pino Munno, këshilltar, shkruan Rai News.
Nën hetim është dhe administratori aktual i bashkisë së Cosenzës, Francesco De Cicco. Në hetim është regjistruar edhe avokati i njohur, Paolo Pisani.
j.l./ dita
