Ndryshon masa e sigurisë nga “arrest në burg” në “arrest shtëpie” për ish shefin e rrugores Roven Zeka.
Vendimi erdhi pas ekspertizës mjekësore për të përcaktuar gjendjen shëndetësore të ish-shefit të komisariatit rrugor të Tiranës, me argumentin se kishte dëmtuar legenin pasi ishte rrëzuar në paraburgim.
Zeka dyshohet nga SPAK për korrupsion lidhur me procedurat për një aksident.
Më herët masa e arrestit në burg u la në fuqi nga apeli i GJKKO ndaj tij dhe oficerit Edison Tabaku ndërsa shefi i hetimit të aksidenteve Sokol Novaku u lirua në arrest shtëpie për shkak të rrethanave familjare.
