Ndryshon ora, akrepat kthehen pas 60 minuta. Më shumë dritë në mëngjes, por do të errësohet më shpejt

Natën që lamë pas, që përkoi me të dielën e fundit të tetorit, akrepat u kthyen pas 60 minuta.

Ndërrimi i orës ndodhi sot në orën 2 të mëngjesit, çka bën që të gjithë të flemë 1 orë më shumë.

Kthimi i orës pas na mundëson të kemi më shumë dritë në mëngjes, por do të errësohet më shpejt se më parë.

Falë celularëve smartphone, ndërrimi i orës bëhet në mënyrë automatike.

Ndryshimi i orës në Evropë u vendos si ligj evropian në vitin 1981. Zhvendosja e akrepave në Europën Perëndimore është vendosur në fillim të viteve ‘70-ta me shpjegimin se me këtë “zgjatet” dita, rritet produktiviteti, përmirësohet aftësimi i njerëzve dhe dita e punës bëhet më efikase.

Në vitin 2018 pati diskutime për mos ndryshimin e orës nga Parlamenti Europian ku u la në dorën e qeverive të shteteve përkatëse që të vendosin se cilën orë do të mbajnë.

j.l./ dita