Mbreti Harald V i Norvegjisë ka ndërruar jetë në moshën 89-vjeçare, pasi u dërgua në spital javën e kaluar për tu kuruar nga një sëmundje e rrallë e gjakut. Pallati në Oslo tha se ai ndërroi jetë në paqe në orën 06:35 sipas kohës lokale të premten në spitalin kombëtar në Oslo.
Në 24 orët para vdekjes së tij, anëtarë të familjes mbretërore e kishin vizituar mbretin dhe turma njerëzish kishin vendosur lule në pallat. Haraldi ishte mbreti i parë i Norvegjisë i lindur në Norvegji që nga shekulli i 14-të. Ai do të pasohet nga djali i tij Haakon.
Pas 35 vitesh në fron, ai do të mbahet mend si një figurë popullore dhe reformatore që modernizoi monarkinë, theu traditën duke u martuar me një grua të thjeshtë dhe shërbeu si një figurë unifikuese në momentet më të vështira të Norvegjisë.
Pas sulmeve me bomba dhe armë zjarri në Oslo dhe ishullin Utøya të vitit 2011, Harald u bëri thirrje norvegjezëve të mbështesin njëri-tjetrin dhe të mos “lejojnë që frika t’i mbizotërojë”.
Kohët e fundit, Harald dhe familja e tij janë përballur me sfida shëndetësore dhe skandale, veçanërisht për shkak të lidhjes së nuses së tij Mette-Marit me financierin amerikan Jeffrey Epstein dhe dënimin e djalit të saj Marius Borg Høiby për përdhunim.
j.l./ dita
