Byroja Kombëtare e Hetimit, duke filluar nga e hëna e javës që vjen, do të jetë pa një drejtues zyrtar.
Aida Hajnaj të dielën mbyll mandatin 5-vjeçar në krye të “FBI-së shqiptare”. Por për shkak të vonesave, drejtuesi i ri i BKH-së nuk është zgjedhur ende.
Më 28 korrik u mbyll faza e fundit e testeve për 7 kandidatët: Gledis Nano, Gentian Ndoj, Elton Kërluku, Andi Pogace, Gentian Shehu, Artur Beu, Joni Keta.
Vetë SPAK njoftoi se ata tani do t’i nënshtrohen procesit të verifikimit të pasurisë dhe të figurës. Pra një lloj vetingu.
Gazetarja Anila Hoxha afër këtyre zhvillimeve thotë se akoma nuk janë dërguar shkresat nëpër institucione për të marrë të dhënat mbi pasurinë dhe figurën.
Gjë që do të thotë se brenda kësaj jave nuk ka asnjë mundësi kohore që komisioni i përbërë nga Altin Dumani, Arben Kraja dhe Behar Dibra të zgjedhë drejtuesin e ri.
Sinjalet janë se prej afro një viti po luhet një lojë e pistë në prapaskenë. Që në fund të vitit që lamë pas, Hajnaj kishte dorëzuar një kërkesë në KLP, ku kërkonte riemërim në postin që mban, të drejtë që sipas saj ia jep ligji. “Komisioni i përbërë nga drejtuesi i Prokurorisë së Posaçme dhe dy prokurorë të posaçëm me më shumë vite eksperiencë pune si prokuror, pas një procesi rekrutimi të hapur dhe transparent, rekomandojnë një kandidat për Drejtor të Byrosë Kombëtare të Hetimit, i cili emërohet nga Këshilli i Lartë i Prokurorisë. Drejtori emërohet për një mandat 5-vjeçar, me të drejtë riemërimi një herë”, thuhet në nenin 30.
Por SPAK e interpretoi ndryshe këtë nen. Fillimisht hapi garën për riemërim, duke i kërkuar Hajnajt të aplikonte dhe të hynte në fazë verifikimi. Hajnaj e refuzoi këtë tallje, duke deklaruar se ligji i jep të drejtë të qëndrojë në detyrë edhe 5 vite të tjera. Në fund të majit, SPAK hapi garë të re për këdo që kishte interes dhe pati shumë aplikime, por 7 mbetën në garë.
Gojët e liga flasin se Altin Dumani është kujdesur gjithë këto kohë të vendosë një njeri besnik në atë post; kjo për faktin se ai në dhjetor nuk do të jetë më drejtues dhe si duket ka menduar të lërë një person të vetin në krye të organit të dytë më të rëndësishëm.
Aida Hajnaj ka pasur përplasje me të dy drejtuesit; si me Arben Krajën, ashtu edhe me Altin Dumanin. Ata kanë dashur ta trajtojnë si organ të tyre, por BKH është organ më vete dhe Hajnaj në shumë raste u ka dalë kundër. Fillimisht ata u bënë bashkë për ta larguar, por rrugës nisën edhe përplasjet.
Kraja thuhet se ia ‘drodhi’ Dumanit për emrin e ri dhe në qershor, Dumani e shkarkoi Arben Krajën nga kreu i Drejtorisë së Marrëdhënieve me Jashtë. Burime nga SPAK flisnin në atë kohë për një sherr të madh mes tyre.
Flitet se Dumani e ka piketuar prej kohësh atë që do të emërohet në krye të BKH-së; ai është mes 7 kandidatëve dhe njihet për afrinë me kreun e SPAK. Por sinjalet janë se Dumanit nuk i kanë ecur mirë planet rrugës dhe me gjasë kjo punë do të zgjasë ca
More kam komentuar disa here per kete probleme dhe shikoj qe jam i vetem ne kete diskutim ! Mos valle e kam une gabim ?! Si ka mundesi qe eshte hartuar nje ligj ne parlamentin shqiptar qe: kryetarin e gjykate e zgjedh kryeprokurori ?! Altin Dumani kryetar i komisionit per zgjedhjen e kryetarit te gjykates . Po kjo eshte thjeshte dhe hapet: ti gjykates do vendosesh çfare shkruan prokurori! Kush qendron me larte ne marrjen e vendimit gjyqesor, prokurori apo gjykatesi? Mua me duket se e shkaterruat fare Shqiperine dhe te pandehurit jane skllever me ligj te prokurorit. Fajtorin e vendos prokurori qe te shkoje ne burg apo gjykatesi ? Aty e keni vdekur drejtesine shoku Hulusi Manja me gjithe ate vlonjatin, Xhafen.
ENDE SE KUPTONI
SE NE KETE VEND
DUAN TE JETOJNE
VEC HAJDUT E QENTE