Leicester City ka zyrtarizuar trajnerin e ti, që do të ketë si objektiv rikthimin në Premier Leaue. Bëhet fjalë për Enzo Marescan, një emër mjaft i njohur, i cili sapo ka festuar titullin kampion në Angli si ndihmës i Pep Guardiolës.
Ish-mesfushori i Juventusit ka firmosur me “Dhelprat” deri në vitin 2026. Në të kaluarën, Maresca ka qenë në stolin e Parmës për një periudhë të shkurtër si trajner. Ka drejtuar gjithashtu skuadrën U-23 të Manchester City-t.
Presidenti i Leicester City-t, Aiyaëatt Srivaddhanaprabha, gjatë prezantimit të italianit theksoi: “Enzo sjell një kombinim të personalitetit, metodës dhe ambicies që përshtatet shumë mirë me futbollin që ne po kërkojmë.
Filozofia e tij është ndërtuar mbi një karrierë të pasur dhe të larmishme. Maresca, i emocionuar për këtë mundësi që i është dhënë, deklaroi: “Jam shumë i emocionuar sepse kemi një sezon të madh përpara nesh. Në fillim synimi është të luajmë sa më mirë. Prej aty mund të ndërtojmë, dita-ditës, idenë tonë, filozofia jonë”.
