Me synimin për të kontribuar në arritjen e paqes mes izraelitëve dhe palestinezëve, Spanja e ka njohur zyrtarisht shtetin palestinez. Të njëjtën gjë e bënë Norvegjia dhe Irlanda. Me këtë vendim ata iu bashkuan më shumë se 140 shteteve nga 193 vendet anëtare të OKB-së. Siç tha të martën kryeministri spanjoll, Pedro Sanchez, “njohja e shtetit të Palestinës nuk është vetëm një çështje e drejtësisë historike, me aspirata legjitime të popullit palestinez, por është gjithashtu një imperativ për ta arritur paqen”.
“Është e vetmja mënyrë për të realizuar zgjidhjen që ne të gjithë e njohim si e vetmja e mundshme për të arritur të ardhmen e paqes një shtet palestinez që bashkëjeton përkrah shtetit të Izraelit në paqe dhe siguri”, tha Sanchez.
Me këtë lëvizje të qeverisë spanjolle, por edhe me arsyetimin e saj, shtrohet pyetja pse Spanja po heziton ta njohë Kosovën, shtet me shumicë shqiptare që e ka shpallur pavarësinë nga Serbia në vitin 2008, pas luftës dhe bombardimeve të NATO-s ndaj Serbisë në vitin 1999?! Derisa më shumë se 110 shtete e kanë njohur shtetësinë e Kosovës, ndër të cilat shumica nga BE-ja, si dhe SHBA-ja, Serbia refuzon ta njohë, së bashku me Rusinë dhe Kinën. Spanja, Greqia, Qiproja, Rumania dhe Sllovakia, po ashtu, ende nuk e kanë bërë një gjë të tillë.
Qeveria spanjolle nuk iu përgjigj pyetjes së Radios Evropa e Lirë nëse njohja e Kosovës mund të pasojë njohjen e shtetit palestinez. Megjithatë, çështja e njohjes së Kosovës nga Spanja doli gjatë diskutimit të takimit të ministrave të jashtëm më 27 maj, në Bruksel, në dritën e vendimit të Spanjës për njohjen e shtetit të Palestinës. Burimet i thanë Radios Evropa e Lirë se për këtë ka pasur një grindje të hapur ndërmjet palëve nga Gjermania dhe Spanja.
Derisa Gjermania ishte “shumë bindëse” për njohjen e Kosovës, “Spanja ishte në mbrojtje, duke argumentuar se Kosova nuk ishte në agjendë”. Ish-ambasadori i Spanjës në Beograd, Raul Bartolome Molina, gjatë vitit 2023 kishte deklaruar se qëndrimi i vendit të tij është i qartë: Spanja nuk e njeh pavarësinë e Kosovës, ndërsa mbështet tentimet e BE-së për normalizimin e marrëdhënieve ndërmjet Kosovës dhe Serbisë.
“Ky qëndrim nuk ka ndërruar, as nuk do të ndërrojë, dhe të gjithë aleatët tanë e dinë këtë shumë mirë”, kishte thënë Bartolome më 30 qershor, një ditë para se të marrë Spanja udhëheqësinë e Presidencës së Bashkimit Evropian.
Arsyeja kryesore lidhur me këtë besohet të jetë qëndrimi i Spanjës karshi aspiratave të rajonit verilindor të saj, Katalonjës, që të pavarësohet. Ky rajon ka pasur disa përpjekje të pasuksesshme që të ndahet nga Spanja, ndërsa Madridi zyrtar e ka kundërshtuar ashpër këtë lëvizje.
“Qartazi, Spanja nuk dëshiron ta njohë Kosovën, sepse do të duhej të pranonte se provincat e një shteti kanë të drejtë të ndahen… Ata nuk duan t’i japin Katalonjës më shumë municion ose argument për ndarje”, thotë për Radion Evropa e Lirë, Eran Fraenkel.
Tani i vendosur në SHBA, Fraenkel kishte jetuar për disa vite në Spanjë ku kishte punuar me Qendrën për Punë të Jashtme të Barcelonës, si ekspert për rajonin e Ballkanit. Ai ka disa publikime mbi Ballkanin dhe marrëdhëniet e këtij rajoni me Bashkimin Evropian. Duke komentuar lëvizjen e fundit të Spanjës për njohjen e shtetit palestinez, Fraenkel thotë se këtë çështje e sheh të ndarë nga njohja e mundshme e Kosovës.
“Kushtet historike dhe politike në Kosovë dhe Palestinë janë shumë të ndryshme saqë në të vërtetë nuk janë të krahasueshme”, thotë ai.
Ndonëse thotë se mund t’i japë një lloj shtytje kauzës palestineze, Fraenkel beson se qeveritë e shteteve që e njohin shtetin e Palestinës, “e pranojnë që është në parim (gjest) simbolik”.
“Vendimi mund të jetë me qëllim të mirë se shtetet duan të njohin të drejtën e palestinezëve për vetëvendosje (shtetësi), për të cilën të gjithë pajtohen në parim. Por, askush nuk mund të pajtohet se si të realizohet kjo në praktikë dhe përderisa ka çështje të pazgjidhura mes Izraelit dhe Palestinës, atëherë çështja operacionale (praktike) për shtetësinë palestineze do të shtyhet në vazhdimësi”, thotë ai.
Ai beson se ekzistojnë edhe disa pengesa të mëdha në drejtim të zgjidhjes me dy shtete.
“Njohja e shtetit palestinez është e varur nga të mospasurit luftë, që fatkeqësisht jam pesimist se mund të ndodhë. Pra, të mos ketë luftë dhe të ketë pajtim palestinez mbi atë se çfarë lloj qeverisjeje duan dhe ku do të jetë ajo”, shpjegon tutje Fraenkel.
Tutje, Fraenken beson se njohja e shtetit palestinez, nuk do t’i shkaktojë Spanjës apo shteteve tjera ndonjë pasojë të madhe në pozicionin e tyre në politikën ndërkombëtare.
“Edhe nëse krijon disa valë ose ndonjë ndjenjë të keqe në mes të Izraelit dhe shteteve që po e njohin shtetësinë palestineze, unë nuk mendoj që është diçka që nuk mund të tejkalohet”, thotë ai.
Ndërkaq, meqenëse Spanja e sheh Kosovën si një lëvizje separatiste, sipas Fraenkel, pasojat nga një njohje e mundshme, për Spanjën, janë të menjëhershme.
“Katalunasit (vite më parë) dëshironin të mbanin një referendum, për të mbajtur një referendum për të shpallur pavarësinë. Madridi e quajti këtë ilegale. Duke pasur parasysh këtë qëndrim të Spanjës ndaj Katalonjës, si do të ishte e mundur që ata të pranonin një Republikë separatiste”, shton Fraenkel.
Në deklarime të mëhershme zyrtare në lidhje njohjen e mundshme të Kosovës, Madridi zyrtar kishte thënë për REL-in se “çështja e territorit të Kosovës të zgjidhet përmes dialogut ndërmjet Beogradit dhe Prishtinës”. Më 6 janar, megjithatë, Spanja ka njohur pasaportat e Kosovës, duke u mundësuar qytetarëve të Kosovës që të udhëtojnë pa viza edhe në këtë shtet, pas heqjes së regjimit të vizave për kosovarët më 1 janar, 2024. Por, autoritetet e këtij vendi sqaruan për REL-in se kjo nuk nënkupton njohje të Kosovës. Liderët e Kosovës, megjithatë, në vazhdimësi deklarojnë se presin ndryshim qëndrimi nga shtetet mosnjohëse evropiane.
REL
Natyrisht qe problemet e brendshme qe ka Spanja perbere administrativisht nga 17 Comunidades Autónomas, dhe problemet konkrete here pas here separatiste ne dos Comunidades: 1. Comunidad de País Basco 2. Comunidad de Cataluña, kane influencuar dhe do te influencojne politiken e saj te jashtme.
KETU POLITIKA DHE DIPLOMACIA SHQIPTARE NE SHQIPERI DHE KOSOVE DUHET TE BEJE SHUME ME TEPER, SEPSE KA SHUME ARGUMENTE JURIDIKE, ARGUMENTE GJEO-POLITIKE, QE DALLOJNE KOSOVEN NGA PAÍS BASCO & CATALUÑA.
Gjithashtu, per gjysem shekulli me radhe, pas Luftes se Dyte Boterore, per arsye politike, Shqiperia Komuniste dhe España Franquiste … nuk kishin as minimumin e marredhenieve diplomatike. Ne mediat kryesore spanjolle “EL PAIS”, “EL MUNDO” kam kerkuar lajme te vjetra ne lidhje me Shqiperine dhe Shqiptaret, dhe fatkeqesisht burimi i tyre vinte ne Madrid, nepermjet representanteve (perfaqesuesve) diplomatik te Spanjes ne BEOGRAD. Fatkeqesisht, per afro 50 vjete deri ne vitin 1993, Ambasada e Spanjes ne Bograd ishte responsable (pergjegjese) per informacionin dhe politiken perkatese ne lidhje me Shqiperine dhe Shqiptaret. Pas vitit 2006 kur u hap Ambasada e Spanjes ne Shqiperi, komunikimi filloi te evoluoi ngadale por pozitivisht.
ESHTE PER T’U PERSHENDETUR POLITIKA, DIPLOMACIA, KOMUNIKIMI I QEVERISE SHQIPTARE AKTUALE ME QEVERINE SPANJOLLE TE Sr. PEDRO SÁNCHEZ. POR MBETET SHUME PER T’U BERE. MUNDESITE QE SPANJEN DHE SHUME VENDE TE KONTINENTIT AMERIKAN T’I KTHEJME NE FAVORIN TONE SHQIPTAR, DHE JO NE FAVORIN SERBO/RUSO/SLLAV.
A nuk e kuptoni akoma ku nji vend si Spanja qe me shum probleme te mbrendeshme nuk ka mundesi si ta njohi Kosoven po e beri kete ateheri Serbia dota njohi katallonjen dhe fillon lufta popullore ne Spanje ,e dyta pyetje eshte pse nuk e njeh OKB Kosoven pse Rusia dhe Kina nuk e lejojne pra pa te njohur OKB nuk je shtet sovran mos shiqoni se NATO ka baze ne Kosove nuk e ka bazen per ta mbrojtur Kosoven por mos te ndodhe nji gjenocide si ne 99 gati nj spastrim etnik por sot a neser dote ndodhe se bota eshte lodhur me Shqipetaret trafikante te droges ,pra Kosova kure zdote behet anetare e plote ne OKB si dhe Shqiperia anetare e BE. Sa te jene gjalle Greket dhe Qypriotet nuk dote ndodhe vetem ju shesin genjeshtra ne Bruksel dhe Tirane.