Kryeministri i Kosovës, Albin Kurti, dhe Presidenti i Serbisë, Aleksandër Vuçiç do të takohen sot në Bruksel, në kuadër të dialogut për normalizimin e raporteve.
BE ka njoftuar se Josep Borrell dhe emisari Miroslav Lajçak do të zhvillojnë takime të veçanta me liderët përkatës nga ora 9:00 dhe më pas do të zhvillohet një takim i përbashkët trepalësh.
Fokus i bisedimeve pritet të jetë zbatimi i Marrëveshjes për normalizimin e marrëdhënieve Prishtinë-Beograd.
Gjithashtu pritet të diskutohet për tensionet dhe gjetjen e rrugës për mbajtjen e zgjedhjeve të jashtëzakonshme në Mitrovicën e Veriut, Zveçan, Leposaviç dhe Zubin Potok.
Takimi i sotëm është i pari zyrtar që nga protestat e dhunshme të serbëve lokalë ndaj forcave policore të Kosovës dhe KFOR, duke kërkuar largimin e kryetarëve të zgjedhur në katër komunat në veri.
j.l./ dita
