Norvegjia, një nga donatorët më të mëdhenj të agjencisë së ndihmës së OKB-së për refugjatët palestinezë, do të vazhdojë financimin e saj pavarësisht dyshimeve se disa nga punëtorët e saj ishin të përfshirë në sulmin e Hamasit në tokën izraelite më 7 tetor, tha të dielën Oslo.
“Norvegjia ka vendosur të vazhdojë financimin e saj. Ndërsa ndaj shqetësimin që kanë shkaktuar akuzat shumë serioze kundër disa stafit të Unrëa-s, unë u bëj thirrje donatorëve të tjerë që të marrin në konsideratë implikimet më të gjera të reduktimit të financimit të UNRWA-s në këtë kohë të fatkeqësisë ekstreme humanitare. Ne nuk duhet të ndëshkojmë kolektivisht miliona njerëz,“, tha ministri i Jashtëm Espen Barth Ide.
Izraeli të premten akuzoi disa punonjës të UNRWA-s për pjesëmarrje në sulmin e Hamasit të 7 tetorit në tokën e tij. Shtetet e Bashkuara reaguan menjëherë duke njoftuar se po pezullonin fondet për agjencinë e ndihmës së OKB-së, e ndjekur nga një numër vendesh si Gjermania, Australia, Italia, Finlanda dhe Britania.
a.c./dita
