Zëvendëspresidenti i Interit, Javier Zanetti, ka folur së fundmi për sezonin e “zikaltërve” si dhe futbollin në tërësi. Në një prononcim të bërë së fundmi për mediet italine, ai theksoi se Guardiola është trajneri më i mirë në botë.
“Tre trajnerët më të mirë? Guardiola që arriti të fitonte tre trofe pavarësisht finales së vështirë të Champions League ndaj skuadrës së Simone Izaghit. Pastaj Carlo Ancelotti, gjithmonë shumë i mençur, i qetë dhe autor i një vepre shumë të vlefshme, dhe në fund Spalletti për atë që bëri me Napolin. Topin e Artë? Për mendimin tim, Messi e meriton, sepse arriti të kurorëzojë ëndrrën e tij për të fituar Kupën e Botës si protagonist i vërtetë. Për mendimin tim është më i miri prej disa vitesh”, u shpreh Zanetti.
Dhe të mendosh se argjentinasi kur militonte tek Interi ishte një nga ‘kundërshtarët’ më të zjarrtë ndaj Barcelonës dhe nën komandën e kontroversit Murinjo… Por vitet bëjnë të tyren dhe ish-mbrojtësi legjendë zikaltër ka marrë pozicionin e një analisti empatik, duke pranuar edhe supermacinë filozofike të katalanasit.
