Një operacion antidrogë është zhvilluar gjatë orëve të natës në qarkun e Elbasanit, ku raportohet se 40 persona janë vënë në pranga.
Forca të shumta policie kanë ushtruar kontrolle në disa banesa në qytetet Prrenjas, Librazhd, Gramsh, Peqin, Cerrik, Belsh dhe Elbasan.
Sipas informacioneve pas kontrolleve janë sekuestruar 3 armë zjarri kallashnikovë, pistoleta dhe sasi të konsiderueshme lënde narkotike.
Pritet një njoftim zyrtar i policisë lidhur me operacionin dhe numrin e saktë të personave të arrestuar.
Sipas burimeve, në mesin e 40 të arrestuarve nuk rezulton asnjë nga emrat e personave që bëjnë pjesë në grupet e fuqishme të trafikut të drogës.
Personat e rënë në pranga të moshës 22-56 vjeç mësohet se janë të gjithë janë shpërndarës të lëndëve narkotike në qarkun e Elbasanit.
Njërit prej tyre raportohet se iu është kapur 800 gram kokainë e pastër.
j.l./ dita
Operacione SHOW antidroge ne Elbasan dhe Suel Cela e grupi i tij gezojne liri e siguri te plote, natyrisht me urdher nga lart. Sidomos qe tanime i ka sjelle pushtetit deputeten me te votuar, Sara Mila, nje anonime qe u votua maksimalisht edhe brenda Burgut te Peqinit!