Operacion nga SPAK dhe Policia: Arrestohen dy punonjës të IMT në Tiranë, dy të tjerë në kërkim (Emrat dhe reagimi)

Dy inspektorë të IMT-së janë arrestuar gjatë një aksioni të SPAK dhe Policisë.

Në pranga kanë përfunduan Gerald Fucia dhe Edmond Çela, ndërsa janë shpallur në kërkim Klajdi Zhilla dhe një tjetër.

Operacioni i SPAK në bashkëpunim me policinë e shtetit ka ardhur në bazë të një kallëzimi që është bërë nga një qytetar, i cili thotë se i kanë kërkuar para qe të mos i prishnin tendën e lokalit.

Punonjësit e Inspektoriarit të Mbrojtjes së Territorit dyshohen se kanë kryer veprën penale të korrupsionit.

Sipas informacioneve, ata janë dy specialistë/ inspektorë.

IMT Tiranë thotë se distancohet dhe e dënon me vendosmëri këtë rast, dhe se inkurajon çdo qytetar të denoncojë raste të ngjashme.

Marrë shkas nga ngjarja e ndodhur ditën e sotme, ku katër punonjës të Inspektoratit të Mbrojtjes së Territorit kanë shkelur rëndë ligjin, bëjmë me dije opinionin publik se institucioni ynë e dënon me vendosmëri këtë rast.

Sjellje të tilla janë të papranueshme dhe IMT distancohet plotësisht nga këto veprime individuale. Ndaj personave të përfshirë janë marrë menjëherë të gjitha masat e nevojshme administrative, duke i shkarkuar nga detyra.

IMT inkurajon organet ligjzbatuese për bashkëpunim të plotë dhe ndëshkimin e rastit sipas ligjit, si edhe inkurajon çdo qytetar të denoncojë raste të ngjashme, në mënyrë që të mos mbetet asnjë hije dyshimi mbi integritetin e institucionit dhe misionin e tij.