Policia e Tiranës ka bërë të ditur se 19 persona janë proceduar penalisht në gjendje të lirë, pas veprimeve hetimore të kryera lidhur me bllokimin e aksit rrugor në drejtim të Aeroporti Ndërkombëtar Nënë Tereza.
Sipas njoftimit zyrtar, veprimet hetimore janë kryer nga specialistët e Sektorit për Hetimin e Krimeve të Rënda, pas tubimit të zhvilluar një ditë më parë në Tirana.
Autoritetet bëjnë me dije se gjatë protestës, disa organizatorë dhe pjesëmarrës dyshohet se kanë bërë thirrje për zhvendosje të tubimit nga zona pranë Sheshi Skënderbej dhe godinës së Kryeministrisë, në drejtim të Rinasit, duke shkaktuar bllokim të qarkullimit rrugor dhe pengim të lëvizjes së qytetarëve.
Në përfundim të veprimeve hetimore, ka nisur procedimi penal në gjendje të lirë për shtetasit:
G. P., 36 vjeç; A. Ll., 29 vjeçe; A. Ll., 27 vjeçe; I. F., 32 vjeç; E. H., 33 vjeç; A. K., 46 vjeç; F. Rr., 28 vjeç; V. D., 29 vjeç; O. B., 21 vjeç; D. L., 57 vjeç; L. N., 20 vjeç; A. K., 29 vjeç; A. M., 23 vjeç; T. M., 24 vjeç; K. Z., 22 vjeç; B. P., 34 vjeç; Gj. N., 39 vjeç; L. K., 33 vjeçe; I. M., 24 vjeçe, për veprat penale “Pengimi i qarkullimit të mjeteve të transportit”, “Organizimi dhe pjesëmarrja në grumbullime të paligjshme” dhe “Prishja e rendit dhe qetësisë publike”.
Gjithashtu, gjatë veprimeve janë sekuestruar dy automjete në cilësinë e provës materiale.
Materialet procedurale i janë referuar Prokurorisë për veprime të mëtejshme ligjore.
j.l./ dita
Keta po protestojne kunder Brekushes dhe Qeverise, apo kunder njerezve? Sepse njerezit jane ata qe pengohen dhe torturohen rrugeve. Brekushja i Surrelit leviz me Helikopter. Megjithate nuk eshte aspak cudi qe te jene paguar dhe infiltruar si protestues nga Qeveria per te krijuar situata. Prandaj edhe une nuk besoj fare ne Protesta, sepse Protestat infiltrohen dhe tjetersohen nga Derri dhe Dosa Bashke. Mosbindja masive civile eshte zgjidhja qe funksionon, pa protestuar fare dhe me qetesi e dashuri.
Nuk ka hallin e Rinasit.Ka hall mos i shkojne ne Surrel.
Liria jote mbaron aty ku fillon te cenosh lirine time.Kush ma kompeson mua bileten e avionit qe humba?Vafshi ne djall plehra