Partizani do të luajë nesër kundër Bate Borisov, ndeshje e vlefshme për turin e parë të Champions League. Ndërsa përballja e parë ka përfunduar me shifrat 1-1, në ndeshjen e nesërme të kuqtë do të tentojnë të marrin fitoren për të shkuar më tej.
Siç njoftohet në kanalet zyrtare të komunikimit, skuadra e Partizanit ka mbërritur në Hungari bashkë me stafin dhe drejtuesit.
Bie në sy prania e presidentit Gaz Demi bashkë me drejtorin e përgjithshëm, Olsi Rama. Të dy nuk mungojnë as në fotot e publikuara nga klubi kryeqytetas.
Kujtojmë që ndeshja e kthimit Bate Borisov-Partizani është programuar të zhvillohet nesër në orën 20:00. Pritet me interes të shihet se si do të përfundojë ky takim, për nga rëndësia me vlerë të madhe për financat e klubit në rast kualifikimi në raundin pasardhës.
