Një tjetër ngjarje e rëndë ka ndodhur në qytetin e Sarandës, ku një shtetas anglez është gjetur pa shenje jete brenda apartamentit, që e kishte marrë me qira.
Mësohet se bëhet fjalë për një 64-vjeçar, i cili dyshohet se ka ndërruar jetë për shkak të arrestit kardiak, ndërsa grupi hetimor po punon për sqarimin e rrethanave të ngjarjes.
Njoftimi i Policisë së Sarandës:
Sot, rreth orës 10:00, në lagjen nr.1, Sarandë, është gjetur pa shenja jete, në banesën ku jetonte me qira, shtetasi anglez A. G., 64 vjeç, i cili dyshohet se ka ndërruar jetë për shkak të arrestit kardiak. Grupi hetimor po punon për sqarimin e rrethanave të ngjarjes.
Kujtojmë se ditën e djeshme një 37-vjeçar polak ka ndërruar jetë në qytetin e Sarandës. Ai rreth orës 17:50 në spitalin e Sarandës, ka mbërritur për ndihmë mjekësore, por ndërroi jetë aty, ndërsa dyshohet si pasojë e një arresti kardiak.
