Pak pas vizitës së kryediplomates europiane, Kaja Kallas në Kosovë dhe thirrjeve të saj për uljen e tensioneve në veriun me shumicë serbe, një incident në Mitrovicën e Veriut dëshmoi se nuk është e lehtë të realizohet kjo në terren.
Që prej shtatorit të vitit të kaluar, në qendër të Mitrovicës së Veriut janë hapur disa biznese në pronësi të shqiptarëve të Kosovës, të cilat kryesisht bojkotohen nga banorë vendas serbë.
Edhe nënkryetari i Listës Serbe, Ivan Zaporozhac, e ka dënuar ashpër atë që e përshkroi si “sulm fizik nga Policia e Kosovës ndaj një maturanti serb, çka përbën sipas tij një akt të qëllimshëm frikësimi të rinisë serbe.
Zaporozhac tha se i riu është ekspozuar ndaj keqtrajtimit fizik, duke shtrëngimin nga qafa, shtyrje dhe ofendime verbale, e kjo vetëm për shkak të përkatësisë së tij etnike.
Por ministri në detyrë i Punëve të Brendshme i Kosovës, Xhelal Sveçla, këmbënguli se polici ka vepruar në mënyrë “profesionale” dhe se ndërhyrja kishte për qëllim të ndalte përshkallëzimin pas provokimeve nga disa maturantë, të cilët, sipas tij, përdorën simbole nacionaliste dhe brohoritje shoviniste si “Kosova është zemra e Serbisë”.
