Vendimi i Gjykatës Speciale në Hagë për ish-krerët e UÇK-së ka shkaktuar reagime të shumta në Kosovë dhe më gjerë.
Analisti amerikan Paul Williams, në një intervistë për “Opinion” në, komentoi dënimet që arrijnë në 81 vite burg në total.
Williams kritikoi mënyrën sesi, sipas tij, ka vepruar gjykata dhe ngriti pikëpyetje mbi trajtimin e rasteve që lidhen me krimet e luftës. Ai deklaroi se Qeveria e Kosovës duhet të shqyrtojë mundësinë e zhbërjes së Gjykatës Speciale përmes ndryshimeve kushtetuese.
Sipas Williams, një veprim i tillë do të duhej të merrej në konsideratë edhe për shkak të pasojave që vendimet e gjykatës mund të kenë në stabilitetin e rajonit.
Paul Williams: Kjo që ndodhi është në vazhdën e përpjekjeve të Europës, për të pasur barazi mes serbëve dhe shqiptarëve. Mendoj se nëse do e dinin amerikanët, nuk do të kishin lidhje me këtë gjykatë. Më ra në sy sesi bëhen përpjekje të mëdha, për të vendosur fajësinë. Mendoj se qeveria e Kosovës duhet ta zhbëjë këtë gjykatë.
Duke parë sesi ka vepruar gjykata, mendoj se këto duhet të jenë hapat e radhës. Asnjë serb nuk u dënua, as për krime të rënda seksuale. Tani është momenti i duhur që Kosova të thotë “Ndal”. Kosova mund ta ndryshojë Kushtetutën, që të zhbëjë këtë gjykatë. Kriminelë serbë do ndihen të fuqishëm nga kjo. Vendimi do i hedhë benzinë zjarrit te serbët e do krijojë destabilitet në rajon.
