Kryetari i Komisionit për Punë të Jashtme dhe Diasporë si dhe anëtar i Komisionit Parlamentar për Stabilizim Asocim BE-Kosovë, Haki Abazi ka lajmëruar përmes një statusi në facebook se nesër (e enjte) do të japë një një konferencë për shtyp ku do të sqarojë përplasjen me kryeministrin Albin Kurti dhe vendimarrjen e tij për ta shkarkuar nga funksionet që ka Abazi.
Ai ka paralajmëruar se do të diskutojë edhe për ato që i quan si “audio/video” inçizime dhe skandale tjera. Sipas Abazit, Kurti po kërkon t’i mbulojë këto audio/video inçizime me urdhërin e dhënë për shkarkimin e tij.
Deputeti Haki Abazi ishte zëvendës-kryeministër në Qeverinë Kurti II, dhe kishte marrëdhënie të mira me kryeministrin Kurti të paktën publikisht. Ai më pas do të bëhej edhe kandidat i Vetëvendosjes për zgjedhjet e 14 shkurtit 2021, dhe ia doli të zgjidhej deputet.
Por, marrëdhënia nisi të krisej në vitin 2022. Abazi ka lajmëruar disa herë shumë kundërshti që ka pasur me shefen e Grupit Parlamentar të Vetëvendosjes, znj. Mimoza Kusari Lila.
Megjithatë, ai në këtë postim nuk ka treguar nëse do të vazhdojë që të jetë pjesë e grupit parlamentar të Vetëvendosjes, apo qoftë edhe pjesë e kësaj partie politike që drejtohet nga ana e Albin Kurtit.
Në anën tjetër, ai nuk ka treguar as se për çfarë audio-inçizimesh apo video-inçizimesh apo skandalesh e kishte fjalën. Por, një gjë të tillë thotë se do ta zbulojë nesër në konferencë për media.
Ai ka kritikuar Kurtin në të kaluarën për mënyrën se si e kishte udhëhequr procesin dialogues me Serbinë, por edhe për mungesë të reformash në vend. Abazi nuk ishte pjesë e asnjë subjekti politik para se të ishte pjesë e Lëvizjes Vetëvendosje.
m.b./dita
