Më shumë se 35 persona janë plagosur në një aksident rrugor që përfshin dy automjete të Forcave të Mbrojtjes Australiane (ADF) pranë Lismore, në veri të Uellsit të Ri Jugor.
Në vendin e aksidentit janë dërguar 19 autoambulanca. Të plagosurit u dërguan në spitalet në Lismore dhe Tweed dhe sipas informacioneve nga Policia e Uellsit të Ri Jugor, aksidenti ndodhi kur dy automjete ushtarake u përplasën rreth nëntë kilometra në jugperëndim të Lismore.
Në njoftim thuhet se ekipet e shpëtimit kanë qenë të pranishme në vendin e aksidentit, të ndihmuar nga shërbimet e tjera të emergjencës dhe ekipet e specializuara të shpëtimit.
Fotot nga vendi i ngjarjes tregojnë një mjet të madh ushtarak që është përmbysur anash.
Kryeministri australian Anthony Albanese dhe ministri i Mbrojtjes Richard Marless thanë në një deklaratë të përbashkët se disa nga personeli ushtarak i plagosur u plagosën “rëndë”.
i.b./dita
