Kandidatja e Partisë Mundësia, Barbara Doda dhe vëzhgues të kësaj partie janë përplasur me numëruesit në KZAZ nr. 40 në Tiranë lidhur me pretendimet se disa fletë votimi për këtë parti ishin të pavlefshme.
Pas revoltës së kandidates, e cila ka kërkuar t’u tregohen fletët që pretendohet se janë të pavlefshme, anëtarët e KZAZ kanë kërkuar ndërhyrjen e policisë për të nxjerrë jashtë përfaqësuesit e Mundësia.
Mbërritja e policisë është shoqëruar me përplasje mes vëzhguesve të Partisë Mundësia dhe efektivëve, të cilët kanë pretenduar se kanë urdhër për t’i nxjerrë jashtë nga KZAZ, gjë që nuk është pranuar nga vëzhguesit.
i.b./dita
